Англияда коронавирус билан боғлиқ барча ички чекловлар, касалланиш кўпайганига қарамай олиб ташланди
Жонсон шунингдек, фуқароларни COVID-19'га қарши фаол эмланишга чақирди.
Англияда 19 июль, душанбадан бошлаб, коронавирус билан боғлиқ барча ички чекловлар, касалланиш кўпайганига қарамай олиб ташланади. Барча муассасаларга чекловсиз ишлашга рухсат берилди. Мажбурий ниқоб тақиш, ижтимоий масофа сақлаш ва уйдан ишлаш ҳам бекор қилинган.
Шотландияда ҳам душанбадан бошлаб чекловлар сезиларли даражада юмшатилди. Шимолий Ирландияда чеклов чоралари 26 июлда ўзгартирилиши мумкин.
Буюк Британия бош вазири Борис Жонсон видеомурожаатида ҳозирда чекловларни бекор қилиш учун энг яхши вақт эканлигини айтди, чунки очилиш кузга ёки қишгача кечиктирилса, "совуқ об-ҳаво туфайли вирус афзалликларга эга бўлади".
Жонсон шунингдек, фуқароларни COVID-19'га қарши фаол эмланишга чақирди.
Тўлиқ эмланган фуқаролар, "сариқ рўйхат" даги мамлакатлардан қайтиб келгач, душанбадан бошлаб 10 кунлик карантинга риоя қилишлари шарт эмас.
Шу билан бирга, касал COVID-19 билан яқин алоқада бўлганидан кейин ўзини изоляция қилиш талаблари ўз кучини йўқотмайди.
Насиба Тўхтаева
