Исроилда изоляция қоидаларини бузганлар жиноий жазога тортилиши мумкин
Исроилнинг янги бош вазири Нафтали Беннет пандемия фонида коронавирусга чалиниб, атайин изоляция қоидаларини бузаётган ва атрофдагилар ҳаётини хавф остига қўяётганларни жиноий жазога тортиш кераклигини айтди.
Бу ҳақда у кеча, 18 июль куни COVID-19 туфайли жорий этилган чекловларнинг кучайтириш масаласига бағишланган йиғилишда гапирди.
Бош вазир девонхонасининг хабарида қайд этилишича, йиғилишда соғликни сақлаш, ички хавфсизлик вазирлари ва полициянинг бош инспектори ва ҳукуматнинг ҳуқуқий маслаҳатчиси иштирок этган.
