Россияда ўзбекистонлик эркак ҳамюртини отиб қўйди
Россиянинг Ленинград вилояти Гатчина шаҳридаги кафе олдида икки ўзбекистонлик эркак ўртасидаги зиддият отишмага олиб келди. Бу ҳақда «78.ru» хабар берди.
Маълум бўлишича, 17 июль, шанба куни Собор кўчасидаги кўнгилочар муассасада 2 нафар ўзбекистонлик эркак орасида жанжал келиб чиққан. Оқибатда эркаклардан бири рақибининг оёқ қисмига пневматик қурол билан ўқ узган. Эркак олган тан жароҳати оқибатида Гатчина клиник касалхонасига ётқизилган.
Таъкидланишича, ҳозирда ҳолат юзасидан жиноят иши қўзғатиш масаласи кўриб чиқилмоқда.
