Байден ва Путин мусулмонларни Қурбон ҳайити билан табриклади

 

 

“Жилл ва мен бутун дунё бўйлаб Қурбон ҳайитини нишонлаётганларга ўзимизнинг энг самимий саломларимизни юборамиз”, дейилади байрам табириги кириш қисмида. 

АҚШ Президенти Ҳаж зиёрати ва Қурбон ҳайити анъаналари, айниқса, бу йил — коронавирус пандемияси туфайли вужудга келган қийинчиликлар даврида жуда аҳамиятли эканини қайд этган. 

“Америка халқи бутун дунё бўйлаб COVID-19’га қарши курашда ярим миллиарддан ортиқ вакцинани ҳайрия қилиб, етакчилик қилишдан фахрланмоқда. Ҳаётларни сақлаб қолиш ва ҳар қандай жойда пандемияга барҳам бериш учун барчамиз биргаликда ҳаракат қилишимиз керак”, дейилади хабарда. 

Табрикда Ҳаж зиёрати ҳақида ҳам сўз бориб, у тенглик тимсоли сифатида таърифланган ҳамда Қўшма Штаталарда ҳам ушбу зиёратни амалга оширишни истовчи минлаб америкаликлар борлиги қайд этилган.

“Америка халқи номидан биз барчага хавфсиз ва ажойиб байрамни тилаймиз. Ҳайит Муборак”, дейилади табрик сўнгида.

 

“Азиз дўстлар! Сизларни Қурбон ҳайити байрами билан табриклайман. Илдизлари асрларга бориб тақаладиган ушбу қадимий байрам диндорларни Исломнинг келиб чиқиши ва қадриятларига жалб қилади, раҳм-шафқат, адолат ва тақводорликка, бошқаларга нисбатан эҳтиёткорлик ва самимий муносабатда бўлишга чақиради. Барча жаҳон динлари негизида жойлашган ушбу юксак гуманистик, ахлоқий идеаллар қудратли бирлаштирувчи куч бўлиб хизмат қилади, жамиятда миллатлараро тотувликни мустаҳкамлашга ва маданий хилма-хилликни,  халқимизнинг ўзига хос анъаналарини сақлашга хизмат қилади”, дейилади Президент Путин табригида.

Путин ўз табригида Россия мусулмонларига соғлик, бахт ва эсгуликларни тилашини билдирган. 

Маълумот учун, ислом дини Россия Федерациясида христианликдан кейин иккинчи ўринда туради. Мамлакатдаги мусулмонларнинг аниқ сонига ҳали аниқлик киритилмаган ва ҳамон муҳокамалар давом этиб келади. 2002 йилдаги аҳолини рўйхатга олиш натижаларига кўра, Россиядаги анъанавий мусулмон аҳоли сони тахминан 14,5 миллион киши.