Ўзбекистонда коронавирусга қарши қўлланилган вакциналар сони 5,8 млн дозадан ошди
Шу кунгача тўлиқ эмланган фуқаролар 1 023 425 нафарни ташкил қилмоқда.
Ўзбекистонда 19 июль куни 158 102 доза COVID-19’га қарши вакцина қўлланилди, деб хабар берди Соғлиқни сақлаш вазирлиги матбуот хизмати. Улардан 123 947 дозаси биринчи босқичда, 18 723 дозаси иккинчи босқичда ҳамда 15 432 дозаси учинчи босқичда қўлланилган.
Ҳозирги кунгача Ўзбекистонда коронавирусга қарши жами 5 803 255 доза вакцинадан фойдаланилган, уларнинг 1 553 512 дозаси иккинчи ва 581 764 дозаси учинчи босқичда қўлланилган. Шунга кўра, мамлакатда жами эмланганлар сони 3 667 979 кишини ташкил этмоқда.
Шу кунгача тўлиқ эмланган фуқаролар 1 023 425 нафарни ташкил қилмоқда.
19 июль кунидаги эмлаш кўрсаткичлари бўйича юқори ўринларни:
- Наманган вилояти (24 953 доза),
- Фарғона вилояти (24 669 доза),
- Навоий вилояти (16 255 доза) банд қилди.
Жами эмлашлар бўйича юқори кўрсаткичлар:
- Фарғона вилоятида 755 389 доза,
- Наманган вилоятида 752 077 доза,
- Андижон вилоятида 642 815 дозани ташкил қилмоқда.
