Замонавий «Afrosiyob» поезди Ўзбекистонга қараб йўл олди
Жорий йилнинг 30 июнь куни Испаниянинг Билбао портидан иккита локомотив ва ўн битта вагон, шунингдек, алоҳида яна тўртта вагон ортилган кема июль ойининг биринчи ўн кунлигида Россиянинг Санкт Петербург портига етиб келганди.
“Ўзбекистон темир йўллари” АЖ мутахассислари россиялик ҳамкасблари билан ҳамкорликда мазкур замонавий поездни мамлакатимизга олиб келишга ҳозирладилар.
Кеча «Afrosiyob» поезди Санкт Петербург шаҳридан Ўзбекистонга қараб йўлга чиқди.
Бундан ўн йил илгари, аниқроғи 2011 йилда юртимизга биринчи юқори тезликда ҳаракатланувчи «Afrosiyob» замонавий поезди олиб келинган эди.
Яна саноқли кунлардан сўнг мамлакатимизда бундай поездлар сони бештага етади.
