Disney+ студияси «Чип ва Дейл» мультсериали қаҳрамонларини қайтадан чизди (видео)
Disney+ студияси кўпчиликнинг севимли қаҳрамонига айланиб улгурган Чип ва Дейлнинг янгиланган версиясини тақдим этди.
Улар «Чип ва Дейл: боғдаги ҳаёт» номли янги мультсериалда пайдо бўлади. Студиянинг YouTube’даги каналида анимацион фильмнинг трейли ҳам намойиш этилган, деб ёзади «Korrespondent.net».
Янгиланган мультсериалнинг биринчи мавсуми 12 та эпизоддан иборат бўлиб, уларнинг ҳар бири учтадан етти дақиқали воқеаларни ўз ичига олади.
Сюжет бўйича оласичқонлар катта шаҳар боғидаги ҳаётга мослашиши ва бошқа мультфильмларнинг қаҳрамонлари — Микки Мауснинг ити Плуто ва «Том ва Жерри»даги Спайк лақабли ит билан тўқнашиши керак. Гайка лақабли сичқон, каламуш Рокфор ва пашша Вжик роликда намойиш этилмаган.
Янги серияларда Чип ва Дейл фақат мимика ва қўл ҳаракатлари билан «мулоқот қилади». Мультсериалга «Огги ва сувараклар»даги иши билан танилган Жан Кейрол режиссёрлик қилади, ижроси продюсер — Марк дю Понтавик.
