Германияда яна сув тошқинлари юз бериши мумкин
Табиий офатдан катта зарар кўрган Рейнланд-Пфалз ва Шимолий Рейн-Вестфалия минтақаларида ҳафта охирида ёғингарчилик кузатилади. Бу эса янги тошқинларнинг бошланишига олиб келиши ҳақида огоҳлантирилмоқда.
Ҳозирда дарёларда сув сатҳи тез кўтарила бошланиши учун тайёргарлик ишлари олиб борилмоқда.
Хабарларга кўра, аҳолини эвакуация қилиш учун тайёргарлик кўрилган.
Бир неча кун давом этган тошқин камида 175 кишининг умрига зомин бўлган. Офатдан етказилган зарарнинг умумий миқдори 5 миллиард еврони ташкил қилади.
Насиба Тўхтаева
