Коронавируснинг янги мутацияси аниқланди
Англия жамоатчилик соғлигини сақлаш агентлиги (PHE) британияликлардан коронавируснинг янги штамми аниқлангани ҳақда маълум қилди, деб ёзади Mirror газетаси.
"Бугунга келиб мамлакат бўйича B.1.621 мутацияси билан 16 киши касалланган. Уларнинг катта қисми хорижга сафар қилган одамларда аниқланди", — дейди мутахассислар.
Ҳозирда врачлар SARS-CoV-2нинг мазкур вариантини лаборатория таҳлилидан ўтказмоқда, чунки улар B.1.621 штамми вакцина самарадорлигини қай даражада пайсайтириши ҳақида маълумотга эга эмас.
Айни пайтда дунёда коронавируснинг "дельта", деб ном берилган мутацияси кўп тарқалмоқда. Ушбу штамм Европанинг қарийб барча мамлакатида қайд этилган.
Жаҳон соғлиқни сақлаш ташкилоти тарқатган хабарга кўра, "дельта" штамми яқин ойларда коронавируснинг бошқа вариантларини чеккага суриб, ўзи кенг тарқалади.
