Леонардо Ди Каприо иштирокидаги "Омон қолган" фильми воқеаси ҳаётда такрорланди
АҚШ соҳил қўриқчилари сайти хабар қилишича, воқеа Алясканинг олис, алоқа воситалари ишламайдиган шахта лагерида юз берган.
Шу ҳудудда ишлаётган эркакка овқат излаб юрган гризли ҳужум қилган.
60 ёшли эркак тўппончасидан отиб, йиртқични ҳайдаган, аммо у бир ҳафта мобайнида ҳар тунда эркакнинг уйига ҳужум қилишда давом этаверган.
Бу орада айиқ уй эшигини ҳам синдириб ташлаган. Натижада тун кириши билан эркак учун яшаш учун кураш бошланган. Кун сайин қурбоннинг мадори туга, 2 дона патрони қолган.
Ҳатто, бир марта айиқ эркакни оёғидан судраб дарёгача олиб борган, аммо у қочиб кета олган.
Қаҳрамонимизнинг бахтига, уни ёввойи табиатни ўрганаётган олимларнинг олдидан қайтаётган ҳарбийлар пайқаб қолишган. Соҳил қўриқчиларининг вертолети булутлар сабаб ўз йўналишини ўзгартиради ва уйнинг томига ёзилган SOS ёзувини кўради. Томда "омон қолган" ёрдам чақириб сакраёган эди.
Натижада эркак шифохонага олиб кетилди. Шифокорлар унинг оёқ ва кўкрак соҳасида жароҳатлар борлигини аниқлашди.
Шарофат Маҳмудова
