Гаитида хавфсизлик масаласи бўйича бош координатор қўлга олинди
Гаити полицияси президент Жовенел Моиз қўриқчиларининг хавфсизлик масаласи бўйича бош координатори комиссар Жан Лагел Сивилни қўлга олди.
У олдин ҳам бош прокуратурага президент қароргоҳидаги ҳужум ҳақида кўрсатма бериш учун чақиртирилган. Бу ҳақда Haiti24 янгиликлар портали хабар бермоқда.
Олдинроқ жиноятга алоқадор 23 киши қўлга олингани ҳақида хабар қилган эдик. Бундан ташқари, Вашингтон Гаити президентига суиқасд уюштиришда гумонланаётган 6 кишини аниқлаган эди. Гумондорлар Америка ҳарбий тайёрлов дастурларида Колумбия қуролли кучлари сафида қатнашган.
Гаити президенти Жовенел Моиз 7 июль куни ўз қароргоҳида номаълум шахслар томонидан отиб ўлдирилган эди.
Шарофат Маҳмудова
