Туркия муҳожирларнинг янги оқимини қабул қилмоқчи эмас
Туркия Афғонистондаги вазият сабабли халқаро жавобгарликни ўз бўйнига олиб, муҳожирларнинг янги оқимини қабул қилмоқчи эмас.
Бу ҳақда Туркия ТИВ расмий вакили Танжу Билгич эълон қилди.
“Биз Австрия канцлери Себастян Курснинг афғон қочоқлари учун Туркия “энг мос жой”лиги ҳақидаги гапидан ҳайратландик. Туркия ҳеч қачон учинчи мамлакатлар мажбуриятини олиб, мигрантларнинг янги оқимини қабул қилмайди. Бу ҳақда барча даражадаги ҳамкорларимизга хабар қиламиз. Туркия бошпана сўраганлар учун лагерь ёки ЕИ чегарачиси бўлмаслигини яна бир бор таъкидлаймиз”, - деди дипломат.
Олдинроқ канцлер Курс Билд газетасига берган интервьюсида афғонистонлик қочоқлар ё ўз ватанидаги хавфсиз ҳудудларга, ёки Туркияга қочиши кераклигини айтган. Унинг фикрича, бу қарор Австрия, Германия ёки Швециядан бошпана қидиргандан кўра яхшироқ.
Шарофат Маҳмудова
