Google ходимларига мажбурий вакцинация талабини қўймоқда
Google ходимларининг катта қисмини офисга қайтариш режасини 18 октябргача қолдирди ва масофадан ишлаган ходимлар қайтганда ходимларнинг барчаси эмланган бўлиши кераклиги ҳақида эълон қилди. Бу ҳақда Associated Press корпорация бош директори Сундар Пичаининг ходимларга юборган хатига таяниб хабар бермоқда.
Бунгача ходимларни 1 сентябрдан офисга қайтариш режалаштирилган эди.
Мажбурий вакцинация ҳақидаги талаб аввал Google штаб-квартираси ва АҚШдаги бошқа офислардаги ходимларга, кейинчалик эса қирқ дан ортиқ давлатдаги бўлинмаларга тегишли бўлади.
Пичаи ишчилар маҳаллий қонунга кўра эмланиши, шунингдек, тиббий ва бошқа сабабларга кўра вакцина олинмаслик ҳолатлари ҳам инобатга олинишини таъкидлади.
Google раҳбари компанияда вакцинация даражаси юқорилигини таъкидлаган, аммо ходимларнинг қанчаси эмланганини очиқламаган.
Шарофат Маҳмудова
