Украина Туркияга ёнғинларни ўчириш учун ёрдам юборди
Украина Фавқулодда вазиятлар давлат хизматининг иккита ёнғинга қарши самолёти Туркияга ёрдамга юборилди.
Таъкидланишича, Украина махсус гуруҳ ҳам жўнатган.
Улар тоғли ҳудудларда тажрибага эга бўлган ва илгари Черногория, Исроил ва Грузияда кенг кўламли ёнғинларни ўчиришда иштирок этган тажрибали мутахассислардир.
Туркиядаги ёнғинларнинг умумий майдони 1500 гектардан ортиқ.
Офат натижасида 4 киши ҳалок бўлди ва 183 киши жароҳатланди, шундан 58 киши касалхонага ётқизилган. 100 дан ортиқ хусусий уйлар ва иншоотлар шикастланган. Қутқарув хизматлари 36 та ўрмон ёнғинларини ўз назоратига олди, 20 та ёнғинни ўчириш ишлари давом этмоқда.
Аввал хабар берганимиздек, Туркияда ўрмон ёнғинлари Мармарисга етиб келган.
Насиба Тўхтаева
