Маошини олмаган эксковаторчи янги қурилган бинонинг бир қисмини бузиб ташлади
Германиянинг Блумберг шаҳрида маошини олмаганидан хафа бўлган экскаваторчи янги қурилган уйнинг бир қисмини бузиб ташлади.
Бу ҳақда Bild нашри хабар қилмоқда.
Эркак экскаватори ёрдамида янги қурилган бинонинг балконларини бузиб ташлаган. Шунингдек, автомобиль қўйиш жойлари ҳам зарар кўрган. Маҳаллий ҳуқуқ-тартибот органлари маълумотига кўра, эркак етказган зарар 500 минг еврога баҳоланмоқда.
Воқеани элликка яқин одам кузатган. Қонунбузар бинонинг бир қисмини бузиб ҳовуридан тушгач, машинасига ўтириб кетган. Шундан сўнг унинг ўзи полиция бўлинмасига келган. Айтишича, у маст бўлмаган ва наркотик моддалар таъсири остида бўлмаган.
Ҳозир мутахассислар воқеа бинонинг умумий ҳолатига қандай таъсир қилганини ўрганишмоқда.
Шарофат Маҳмудова
