Ўзбекистонга Airbus вертолётлари олиб келинди
Ўзбекистонга фуқаролик авиацияси учун Airbus вертолётлари олиб келиниши бўйича кўп марта хабар берилганди.
Жорий йил февраль ойида транспорт вазири ўринбосари Жасурбек Чориев ҳамда Airbus International компаниясининг Шарқий Европа ва Марказий Осиё минтақаси бўйича вице президенти Жак Гарриг ўртасида Airbus Helicopters компанияси томонидан ишлаб чиқарилувчи тўртта вертолёт харид қилинаётгани тўғрисида маълумот тарқатилган.
Бу вертолётлардан биринчиси 4 июнда, иккинчи 12 июнда Ўзбекистонга етиб келган ва шу кунгача расмийлаштириш жараёни ўтказилган. Келтирилган бу вертолётлар H-125 моделда бўлиб, октябрь ойида етиб келиши режалаштирилаётган, H-130 моделдаги қолган иккита вертолёт бирмунча йирикроқ ўлчамда бўлади.
Бугун, 31 июль куни вертолётларнинг тақдимот маросими бўлиб ўтмоқда ва бу Ўзбекистонда фуқаролик авиациясининг янги йўналиши очилганидан дарак беради. Тақдимот маросимида бош вазир ўринбосари Азиз Абдуҳакимов ҳам иштирок этяпти.
