3 ярим метрли қўғирчоқ сайрга чиқди
Туркиянинг Ғозиантеп шаҳри бўйлаб 3,5 метрли қўғирчоқ сайрга чиқди.
У 9 ёшли қочоқ қиз кичкинтой Амальнинг рамзий ифодасидир.
“Кичкина Амаль”нинг миссияси 8 давлатда бўлиб, 8000 км. масофани босиб ўтишдан иборат. Ташкилотчилар ана шундай йўл билан бутун дунёдаги муҳожирлар, жумладан, болалар муаммосига эътибор қаратишмоқчи. Ушбу лойиҳа “Сайр” деб номланган. Амаль сўзи арабчада “умид” деган маънони англатади.
Қўғирчоқ қизчанинг саёҳати Ғозиантепдан бошланиб, Англиянинг Манчестерида тугайди. Саёҳат Европа Иттифоқига бориш учун сафарга чиқадиган мигрантлар йўналиши бўйлаб кечади.
Қўғирчоқни 3 киши бошқаради, улардан 2 нафари қочоқ.
“Кичкина Амаль” йўналиши бўйлаб 100 дан ортиқ тадбир режалаштирилган.
Шарофат Маҳмудова
