Асқар Акаев Бишкекка олиб келинди
Қирғизистоннинг биринчи президенти Асқар Акаев Бишкекка олиб келинди. Бу ҳақда Қирғизистон Миллий Хавфсизлик Давлат қўмитаси хабар бермоқда.
Акаев “Қумтор” Олтин кони билан боғлиқ жиноий иш доирасида Қирғизистонга келтирилган. Қирғизистон Миллий Хавфсизлик Давлат қўмитаси Асқар Акаев ва бошқа юқори мартабали собиқ амалдорларни 1992 йил “Қумтор” бўйича бош лойиҳани тузишда, 1994 йилда келишувга ўзгартиришлар киритишда, бундан ташқари 2003 йилда Канаданинг Cameco компанияси билан тузилган бош шартномани қайта тузишдаги коррупцион ҳолатлар учун жавобгарликка тортилганини маълум қилди.
Асқар Акаев 1990-2005 йилларда Қирғиз республикаси президенти бўлган. 2005 йилдаги Лола Инқилоби натжасида ҳокимиятдан четлатилган. Шундан кейин у Россияга кетган. Бу ерда собиқ президент илмий фаолият билан шуғулланган.
Қирғизистон Миллий Хавфсизлик давлат қўмитаси 2021 йил 8 июль куни Республиканинг собиқ президентлари- Асқар Акаев ва Курманбек Бакиевни “Қумтор” иши доирасида халқаро қидирувга берган эди.
