«Ўзгидромет» август ойининг дастлабки ҳафтасида қандай об-ҳаво бўлишини маълум қилди
Ўзбекистон ҳудудининг катта қисмида 2 август куни қуруқ ва ўртача иссиқ об-ҳаво бўлиши кутилмоқда, фақат энг чекка шарқий ҳудудларда булутли об-ҳаво кузатилади, деб хабар бермоқда «Ўзгидромет».
Бунинг ҳисобига Андижон, Наманган, Фарғона вилоятларида, шунингдек, республиканинг тоғ олди ва тоғли ҳудудларида баъзи жойларда момақалдироқ билан қисқа муддатли маҳаллий ёмғир ёғади. Кундузи ҳарорат 36-39 даражагача кўтарилади, бу август ойи бошидаги меъёрдан 3-4 даражага юқоридир.
3 август ва иш ҳафтасининг охиригача текислик ҳудудларда ҳавонинг ўртача иссиқ бўлиши давом этади, ҳаво ҳарорати аста-секин кўтарилади, аммо синоптикларнинг қайд этишича, ушбу кунлардаги аномал ҳарорат июль ойининг энг иссиқ давридагидек аҳамиятли эмас. Кечалари аста-секин узаяди, кунлар эса қисқаришни бошлайди.
Ушбу ҳафтанинг катта қисми давомида республиканинг тоғ олди ва тоғли ҳудудларида момақалдироқ билан қисқа муддатли ёмғир ёғади.
Республика бўйича 2—4 августда шамол тезлиги 15-20 метр/секундгача кучайиши кутилмоқда.
2—5 августда Республиканинг тоғ олди ва тоғли ҳудудларида сел келиши хавфи сақланиб туради.
