Собиқ Президенг оролда катта базм уюштирмоқчи
АҚШ собиқ Президенти Барак Обама 4 августда 60 йиллигини нишонлайди.
Fox News телеканалининг хабар беришича, Обама шу куни Мартас-Винъярд оролида катта базм уюштирмоқчи.
Орол Массачуссетс штати соҳилига яқин жойлашган. Унда асосан бой ва машҳур америкаликлар дам олишади.
Обама Президентлик даврида ҳам бу ерда дам олишни яхши кўрган. 2019 йилда ана шу оролдан 12 миллион долларга уй сотиб олган. Хабарларга кўра, Обама 2 кундан кейин кўплаб машҳур меҳмонларни шу ерда кутиб олади. Улар орасида Опра Уинфри, Жорж Клуни каби юздузлар бор.
Аммо АҚШда коронавируснинг “дельта” штамми билан боғлиқ бугунги вазият турли тадбирлар ўтказишни ман қилади. Массачусетсда вакцина қабул қилганлар ҳам жамоат жойлари ва оммавий тадбирларда ниқоб тақиши шарт.
Собиқ Президент матбуот хизмати ОАВ саволларига жавоб қайтармаган, аммо тантана режалаштирилганини норасмий тарзда тасдиқлаган ва меҳмонлардан вакцинация тўғрисидаги сертификат талаб қилинишини ҳам айтган.
Шарофат Маҳмудова
