"Толибон терроризмни қўллаб-қувватлашни тўхтатиши лозим " Муҳаммад Ханиф Атмар
Толибон терроризмни қўллаб-қувватлашни тўхтатиши керак.
Атмарнинг таъкидлашича, “Толибон” чет эллик тарафдорлари ёрдамида ҳукумат армияси билан 31 вилоятда уруш олиб бормоқда. Вазир бу “Толибон”нинг энг ғайриинсоний ва ёвуз ҳарбий капманияси эканлигини алоҳида қайд этди. Бундан аввалроқ ҳаракат Ашраф Ғанини йўқ қилиш билан ҳам таҳдид қилган эди. Эслатиб ўтамиз, АҚШ Афғонистондан ўз ҳарбийларини чиқаришни бошлаганидан сўнг Толибон янада жонланди.
Бугун шунингдек, АҚШ давлат котиби Энтони Блинкен Афғонистондаги вазият кескинлашиши ортидан мамлакатдан фақат таржимонлар эмас, НАТО ва АҚШ билан ҳарбий операциялар даврида ҳамкорлик қилган бошқа фуқаролар ҳам эвакуация қилинишини маълум қилди. АҚШ Давлат Департаменти маълумотларига кўра, мамлакатдан чиқарилиши кутилаётган кишилар АҚШга қочқин сифатида кўчиб келиши мумкин бўлади.
