“Спутник-V” етказиб бериш бўйича бутун дунёда узилишлар кузатилмоқда
РФ нинг “Спутник-V” вакциналарини дунёга етказиб беришда муаммолар вужудга келди.
Ўтган йили Россия миллионлаб дозада вакцина етказиб бериш бўйича қатор давлатлар билан шартнома имзоланганди. Лекин мамлакатнинг ўзида эмлаш жараёни кучайганлиги, шунингдек ишлаб чиқариш қувватларининг тўла амалиётга жорий этилмагани туфайли Россия ваъдасининг устидан чиқолмаяпти.
Масалан, Эрон билан 60 млн доза етказиб беришга келишилган бўлса, ҳозиргача Теҳронга атиги 2 млн вакцина етиб берилган. Мексикага эса шартномадаги 24 млн “Спутник-V” дан 4.1 млн дозаси етказилган. Бу каби ҳолатлар Жанубий Американинг бошқа мамлакатлари ва Африкада ҳам кузатилмоқда.
Ўзбекистонда ҳам вакцинанинг 2-дозаси билан боғлиқ етишмовчилик борлиги маълум қилинди.
Бугун РФ президенти Владимир Путин бошчилигида бўлиб ўтган йиғилишда вакцинация масаласи ҳам муҳокама қилинди. Унда РФ Соғлиқни сақлаш вазири М.Мурашко 2021-йил ёзида мамлакат ичида эмлаш 4 баробарга ошганини қайд этди.
Жаҳонгир Қўзиев
