Аляскада экскурсия самолёти қулаб тушди
Бунинг натижасида бортда бўлган ҳамма — олти киши ҳалок бўлган. Ҳалокат Кетчикан шаҳри яқинида содир бўлди. Бу ҳақда Alaska Public Media хабар қилмоқда.
Соҳил қўриқчилари 5 август куни маҳаллий вақт билан 11:20 да ёрдам кераклиги ҳақидаги хабарни қабул қилган. Аммо ноқулай об-ҳаво туфайли қутқарувчилар зудлик билан йўлга чиқа олмаган. Кейинроқ улар тоғ чўққилари орасидан самолёт қолдиқларини топишган.
Самолётда учувчи ва беш нафар йўловчи бўлган. Хабар қилинишича, экскурсия бирор бир сайёлик фирма ёхуд компанияга тааллуқли бўлмаган. Сайёҳлар Аляскага етти кунлик саёҳат учун келишган.
Шарофат Маҳмудова
