БМТ: Дунё аҳолисининг 70 фоизини эмлаш учун 11 миллиард доза керак
Бирлашган Миллатлар Ташкилоти (БМТ) Бош котиби Антонио Гутерриш, дунё аҳолисининг 70 фоизини янги турдаги коронавирусга қарши эмлаш учун 11 миллиард дозага эҳтиёж борлигини айтди. Бу ҳақда Анадолу нашри хабар берди.
Гутерриш COVID-19 вакциналарининг халқаро ҳамкорлик бўйича ўтказилган форумдаги нутқида, вакциналар ҳар кимга ва ҳамма жойга тезроқ етиб бориши кераклигини билдирган.
“Дунё аҳолисининг 70 фоизини эмлаш учун 11 миллиард доза керак”. Гутерриш бу эпидемиянинг муҳим босқичини тугатиш учун муҳим чегара эканлигини айтган.
Гутерриш вакцинани тенг тақсимлаш учун ишлаб чиқаришни икки баробар ошириш зарурлигига эътибор қаратган. Буни мувофиқлаштириш ва амалга ошириш учун Г20 даражасидаги тезкор ишчи гуруҳ зарурлигини таъкидлаган.
Акрам Ҳамрақулов
