Санкт -Петербурнинг энг кекса актрисаси вафот этди
Санкт-Петербурглик энг кекса актриса, РСФСР халқ артисти Галина Короткевич пайшанба куни 100 ёшида вафот этди. Бу ҳақда ТАССга Вера Комиссаржевская номидаги театр бадиий раҳбари Виктор Новиков маълум қилди.
"Галина Петровна бугун тунда, 100 ёшга тўлишидан икки ҳафта олдин вафот этди. Биз бу санани нишонлашга катта тайёргарлик кўраётган эдик, чунки бу ажойиб аёл бизнинг театр билан 1962 йилдан буён яқин ҳамкорлик қилиб келарди. У ҳам классик, ҳам замонавий драматик асарларда ўнлаб ролларни маҳорат билан ижро этган."- деди Виктор Новиков.
Галина Короткевичнинг актёрлик биографияси Иккинчи жаҳон уруши ва Ленинград мудофааси фронти аъзоси бўлган пайтдан бошланган. 1946-1961 йилларда у Янги театрда (ҳозирги Ленсовет театри) хизмат қилди, ундан сўнг Вера Комиссаржевская театрининг етакчи актрисаларидан бирига айланди. Ўтган йиллар давомида саҳнада кўплаб роль ижро этиб, ўзининг актёрлик маҳорати ва иқтидори билан томошабинлар меҳри ва эътиборини қозонди.
Актриса 1953 йилдаёқ "Москва баҳори" фильмидаги асосий роли билан гарчи унинг кинодаги илк дебюти бўлсада бутун мамлакат бўйлаб шуҳрат қозонди.
Галина Короткевич Санкт-Петербург ҳукуматининг адабиёт, санъат ва архитектура соҳасидаги "Театр санъати ривожига қўшган ҳиссаси учун" мукофотига (2009й.) сазовор бўлган.
Озода Чориева
