Токиода коронавируснинг янги штамми ўз вақтида ошкор қилинмагани маълум бўлди
Япония Миллий юқумли касалликлар институти Японияда “Токио -2020” Олимпиадаси бошланишидан уч кун олдин Лямбда штамми аниқланганини, аммо бу маълумот ошкор қилинмаганлигини маълум қилди.
Лаямбда штамми Япония аэропортида аниқланган. У Перудан Токиога учиб келган йўловчидан топилган.
Хабар қилинишича, Япония ҳукумати буни Олимпия ўйинлари тугаганидан кейин эълон қилмоқчи бўлган.
Олимларнинг таъкидлашича, янги штамм вакциналарга кучли қаршилик қилиши мумкин. Ҳозирда бу штамм дунёнинг 30 дан ортиқ мамлакатларида тарқалган.
Токиода коронавирус билан касаллаганлар сони кун сайин ошиб бормоқда.
