“Unity 23"нинг биринчи суборбитал сайёҳлик парвози сентябрь ойи охирида амалга оширилади
Virgin Galactic компанияси суборбитал космосга сайёҳат қилиш учун чипта сота бошлади — битта жой бошланғич нархи 450 минг доллар.
Шу йилнинг июлига қадар чипта учун 600 киши буюртма берган эди. Бирданига бир нечта чипта сотиб олиш ҳам мумкин.
"Unity 23"нинг биринчи суборбитал сайёҳлик парвози сентябрь ойининг охирига режалаштирилган.
Эслатиб ўтамиз, бундан аввал Virgin Galactic космосга иккита бепул чипта таклиф қилган эди. Компания асосчиси Ричард Брансон беш кишидан иборат гуруҳ билан VCC Unity космик лайнерида синов тариқасида биринчи суборбитал парвозни амалга оширди ва Ерга муваффақиятли қўнди.
Nasiba To'xtayeva
