Coca-Cola Uzbekistan давлат улушини Coca-Cola İçecek сотиб олади
Ўзбекистон Давлат активларини бошқариш агентлиги Coca-Cola Ichimligi Uzbekiston (CCBU) устав капиталидаги 57,118 % давлат улушини 252,28 миллион АҚШ доллари эвазига Cоcа-Cола İçеcек А.Ş.” (CCI, Туркия) компаниялар гуруҳига сотиш бўйича келишувга эришди. Бу ҳақда 6 август куни агентлик матбуот хизмати хабар қилди.
Мазкур битим оммавий ошкора сотув жараёни шаклида ташкил этилди. Давлат улушининг мазкур сотув жараёни Rothschild & Co агентликнинг молиявий маслаҳатчиси, Dentons эса юридик маслаҳатчиси сифатидаги иштирокида амалга оширилди.
Coca-Cola Bottlers Uzbekistan — Ўзбекистондаги йирик газланган алкоголсиз ичимликлар ишлаб чиқарувчи ҳисобланиб, Тошкент, Наманган ва Урганчда ишлаб чиқариш қувватлари ва омборлари мавжуд. 2020 йил якунлари бўйича компаниянинг соф даромади 205 млрд сўмни ташкил этди.
