2000 нафарга яқин америкалик 2001 йилнинг 11 сентябрь терракти билан боғлиқ ҳужжатларни эълон қилишни сўради
Яқинлари 2001 йилнинг 11 сенябрь террактида ҳалок бўлган 2000 га яқин америкалик АҚШ Президенти Жо Байдендан ана шу ҳужумда Саудия Арабистонининг алоқаси борлигини исботловчи ҳужжатларни эълон қилишни сўраб мактуб ёзди. Бу ҳақда ББC хабар қилмоқда.
Мактуб муаллифлари агар бу ҳужжатлар шу йилнинг 11 сентябригача чоп этилмаса, давлат раҳбаридан террактнинг 20 йиллигига бағишланган хотира маросимида қатнашмасликни сўрашган.
«Президент ўз вазифасини бажармагунича биз уни ҳурмат билан қаршилай олмаймиз», дейилади мактубда.
2001 йилнинг 11-центябридаги терактларда АҚШда 3000 га яқин одам ҳалок бўлган. Тергов ҳужум «Ал Қоида» террористик гуруҳи томонидан амалга оширилганини аниқлаган.
Қурбонларнинг оила аъзолари Саудия Арабистонининг олий бошқаруви теракт ҳақида билгани, аммо бунга тўсқинлик қилмаганини айтишмоқда. Қироллик ҳукумати бу айбловларни рад этмоқда.
Байден Админстрацияси тергов материалларини миллий хавфсизлик сабаби билан очиқлашдан бош тортган тўртинчи админстрация бўлди. Бундан олдин Жорж Буш, Барак Обама ва Доналд Трамп ҳам махфий ҳужжатларни очиқлашдан бош тортган.
Шарофат Маҳмудова
