Шавкат Мирзиёев шу ҳафта Токио Олимпиадаси ғолиблари билан учрашади
Давлат раҳбарининг матбуот котиби Шерзод Асадов Шавкат Мирзиёевнинг жорий ҳафтадаги режалари бўйича маълумотлар берди.
Ўзбекистон президентининг ҳафталик иш жадвалидан Токио Олимпиадаси ғолиблари ва совриндорлари билан учрашув ўрин олган. Бундан ташқари, давлат раҳбари нефть ва газ соҳалари бўйича йиғилиш ҳамда Тошкент вилоятида ишлаб чиқариш соҳаларини ривожлантиришга оид оид тақдимотда қатнашади.
Шавкат Мирзиёев ҳафтани нефть ва газ соҳалари бўйича йиғилиш ўтказиш билан бошлайди.
Шунингдек, ҳафта мобайнида Тошкент вилоятида ишлаб чиқариш соҳаларини ривожлантириш, Сурхондарё вилоятида ичимлик суви таъминотини яхшилаш ҳамда йўл бўйларида амалга ошириладиган лойиҳалар бўйича тақдимотлар режалаштирилган.
«Токио Олимпиадаси ғолиб ва совриндорлари билан учрашув ўтказилиши ҳам кўзда тутилмоқда. Ўзбекистон Республикаси Президентининг мамлакатимиз тадбиркорлари билан очиқ мулоқотига ҳам қизғин тайёргарлик кўрилмоқда», — деди Шерзод Асадов.
