“Агроэкспресс” лойиҳаси: Ўзбекистондан Россияга маҳсулотларни тез ва сифатли етказишга хизмат қилади

 

Ўзбекистон ва РФ “Агроэкспресс” лойиҳасини якунлаш арафасида. Бу ҳақда Россия Иқтисодий тараққиёт вазири ўринбосари Дмитрий Вольвач маълум қилди.

 

Ушбу лойиҳа Ўзбекистондан Россияга қишлоқ хўжалиги маҳсулотларини рефрижераторларда тез ва сифатли етказиб беришни назарда тутади. Маҳсулотлар “Тошкент-Москва” йўналиши орқали экспорт қилинади. Вольвачнинг сўзларига кўра,  22 июнь куни Москвада икки давлат вакиллари ўртасида “Россия-Ўзбекистон” логистик йўлагини ривожлантириш бўйича ўзаро ҳамжиҳатлик тўғрисида Ҳукуматлараро Меморандум имзоланган ва шу асосида “Агроэкспрсс” лойиҳаси амалга оширилаяпти.

 

Логистик йўлак ишга туширилса, давлатлараро қишлоқ ҳўжалиги маҳсулотларини барқарор  асосда айирбошлаш ва етказиб бериш йўлга қўйилади. Шунингдек, 9 август куни РФ Президенти Владимир Путин МДҲ мамлакатларидан қишлоқ  хўжалиги маҳсулотларини олиб келишни кўпайтириш бўйича топшириқ берди.