АҚШда ҳарбий хизматчилар мажбурий эмланиши мумкин
Бу ҳақда АҚШ Мудофаа вазири Ллойд Остин маълум қилди.
Остин шу йилнинг сентябрь ойи ўрталаригача ҳарбий хизматчиларни мажбурий эмлаш бўйича Президент Жо Байдендан рухсат сўрашини, бундан аввал Байден унга шу масала бўйича топшириқ берганини, шундан кейин мутахассислар билан бу борада маслаҳатлашув ўтказганини маълум қилди.
Остиннинг фикрича, Пфизер ва BioNTech компанияларининг коронавирусга қарши вакциналаридан фойдаланиш сентябрь бошларида тўлиқ маъқулланиши мумкин. У, шунингдек, барча ҳарбийларни эмланишга чақирди.
Шундан сўнг, Оқ Уй ушбу масала юзасидан Байден баёнотини эълон қилди. Унда Президент Остин позициясини қўллаб-қувватлашини билдирган.
Сўнгги маълумотларга кўра, “Covid-19” билан касалланганлар сони дунё миқёсида 202 миллиондан ошган.
Жаҳонгир Қўзиев
