Энг қиммат ажрашиш
Microsoft асосчиси, миллиардер Билл Гейтс рафиқаси Мелинда билан ажрашганидан кейин дунёнинг энг бой одамлари рейтингида тўртинчи поғонадан бешинчига тушиб кетди. Энди унинг бойлиги 129,6 миллиард долларга баҳоланмоқда.
Forbes журнали маълумотларига кўра, ҳозир тўртинчи ўринни Facebook асосчииси Марк Цукерберг эгаллаган (130,3 миллиард доллар).
Шу йилнинг май ойида бошланган никоҳни бекор қилиш жараёни тарихдаги энг қиммат ажрашиш сифатида баҳоланмоқда.. Ажрим вақтида Гейтс Мелиндага 3,2 миллиард доллар берган. Бундан ташқари у собиқ хотинига ўтган ҳафтада яна 2,4 миллиард доллар ажратди.
Эслатиб ўтамиз, 4 май куни Гейтс 27 йиллик турмушидан сўнг Мелинда билан ажрашганини эълон қилган эди.
Насиба Тўхтаева
