Сингапурда дунёдаги энг кичик чақалоқ шифохонадан чиқди
BBC хабар қилишича, Квек Юй Сюань туғилганида 212 грамм вазнга эга бўлган. У ҳомиладорликнинг 25 ҳафтасида дунёга келган. Шу боис чақалоқнинг яшаб кетишига деярли ҳеч ким умид қилмаган.
У 2020 йилнинг 9 июнида дунёга келган. Гап шундаки, чақалоқнинг онасида преэклампсия аниқланган, бундай ҳолатда она ва боланинг нобуд бўлиш эҳтимоли юқори бўлади.
Юй Сюань туғилиши билан реанимация бўлимига ўказилиб, махсус аппаратга уланган.
Қизча шифохонада 13 ой давомида қолиб, 6,3 кг вазн тўплади. Аммо ўпкасида ҳали ҳам муаммолар бор. Шунга қарамай, шифокорлар қизча тўлақонли ҳаёт кечиришига умид қилишмоқда.
Шифокорларнинг сўзларига кўра, чақалоқ шунчалик кичкина бўлганки, ҳатто унинг тагликларини қайчида кичрайтиришга тўғри келган.
Олдинги рекорд 2018 йилда АҚШда 245 грамм туғилган чақалоққа тегишли бўлган.
Шарофат Маҳмудова
