Сўнгги ўн кун ичида Туркияда учинчи автобус ағдарилди
Туркиянинг Ушақ вилоятида автобус иштирокидаги йўл транспорт ҳодисаси рўй берди. Оқибатда 33 киши жабрланди. Воқеа Анқара-Ушақ йўналишида содир бўлган.
Дастлабки маълумотларга кўра, ҳайдовчи бурилишда бошқарувни йўқотган ва шу сабаб автобус ағдарилган. Қайд етилишича, транспорт Аградан Измирга йўл олган. 32 нафар йўловчи ва ҳайдовчи шифохонага ётқизилди.
Еслатиб ўтамиз, 2 август куни ҳам Туркияда автобус билан боғлиқ ноҳушлик рўй берганди. Россиялик сайёҳларни олиб кетаётган ҳаракат воситаси Туркиянинг Манавгат шаҳарчаси яқинида ағдарилган. Бу воқеада ҳам ҳайдовчи бошқарувни йўқотгани айтилганди. Ҳозирга қадар авария сабаб жароҳатланган Россияликларнинг уч нафари Туркия шифохонасида. Улардан бирининг аҳволи ўта оғир.
8 август куни Туркиянинг Баликесир шаҳри яқинида қатновчи автобуснинг ҳам ағдарилиши қайд этилди. Ҳодиса сабаб 14 киши оламдан ўтди. 18 нафари эса жароҳатланган.
