NEXTA Telegram-каналининг Беларусдаги намойишларда қандай вазифани бажаргани очиқланди
Беларусда экстремист деб аталаётган NEXTA Telegram-канали асосчиларидан бири Роман Протасевич RT'га берган интервьюсида бир йил олдин рўй берган норозилик намойишида қандай вазифани бажарганлиги ҳақида гапириб берди.
"Якшанба кунги акцияда одамларнинг ҳаракат йўналиши устида мен ҳам ишлаганимни яширмайман. Аммо 9-10-11 август кунлари координация бўлмаган, чунки шу кунларда мамлакатда интернет ёқилмаган", деган у.
Шунингдек, Протасевич NEXTA Беларусдаги намойишларни фаол ёритгани ва "қаршилик нуқтаси" ҳақида ёзганини ҳам тан олган. Чунки ўша кунлари барчаTelegram-каналлар журналистлари кўчада бўлишган.
"Шу боис буни ҳеч қачон координаци, деб бўлмайди. Буни маълумотларни тезкор эълон қилиш сифатида баҳолаш мумкин.", - деди Протасевич.
Эслатиб ўтамиз, шу йилнинг 23 май куни Афинадан Вильнюсга учаётган Ryanair самолёти Минскда мажбуран қўндирилган эди. Авиакомпания самолётнинг Минскда қўнишига Беларусь диспечерлари лайнер бортида потенциал хавф борлиги ҳақида огоҳлантиргани сабаб бўлди, деб айтди. Кейинчалик самолётда бомба борлиги ҳақидаги маълумот тасдиқланмади.
Шу рейс билан учаётган NEXTA ахборот портали асосчиси Роман Протасевич ва унинг дугонаси, Россия фуқароси Софья Сапега самолёт қўнганидан сўнг қўлга олинган.
Улар кейинчалик уй қамоғига ўтказилди. Беларусь тергов қўмитаси хабарига кўра, Протасевич уларга ёрдам беришга рози бўлган.
Шарофат Маҳмудова
