Банкни ўмаришнинг антиқа усули панд берди
67 ёшли Алан Слэттери банкни ўмаришга қарор қилди, лекин хунук ҳуснихати туфайли илк режаси чипакка чиқди.
Унинг режаси оддий эди: банкка кириб, кассадаги қизга пул бериш тўғрисида ёзилган қоғоз парчасини узатиши, уни ўқиган қиз қўрққанидан пул бериши, у эса пулни шу тарзда олиб кетиши керак эди. Нега у бундай йўлни танлади? Чунки банк ходимлари бундай вазиятда ваҳима кўтаролмас, ўғри қуролланган бўлиши ва кимгадир зарар етказиши мумкин, деб ўйлашлари мумкин эди. Кузатув камераларидан эса уни карантин қоидалари, аниқроғи, ниқоб ҳимоя қила оларди.
"Сизнинг тўсиқларингиз мендаги нарсани тўхтатиб қололмайди. Шунчаки сўраганимни беринг, мижозларингизни ўйланг", — деб ёзилган эди қоғозда. Аммо банк кассири босқинчининг ёзувига тушунмади. Қоғозни олган кассир ундан: “ Кечирасиз, тушунмадим, бу нима деганингиз?”, — деб сўрайди. Бироз ноқулай суҳбатдан сўнг Слэттери ортига қайтиб кетишга мажбур бўлади.
Банк ходимлари ёзувни кейин ўқишган ва полицияга хабар беришган.
Чол шу билан таслим бўлмайди: иккинчи банкка бориб, шу қоғози билан пул талаб қилади ва 2,4 минг фунт ўмаришга эришади. Аммо учинчи марта бу усули панд беради: банк ходимлари зудлик билан полиция чақиради. Бунинг натижасида кекса босқинчи олти йилга яқин умрини панжара ортида ўтказадиган бўлди.
Шарофат Маҳмудова
