Ҳиндистонда қулоқчини портлаши оқибатида 28 ёшли эркак ҳалок бўлди
Ҳиндистонда 28 ёшли Ракеш Нагар исмли эркак қулоқчиннинг портлаши оқибатида вафот этди.
Ҳодиса Ражастан штатининг Удайпурия қишлоғида содир бўлган. Бу ҳақда маҳаллий “TV9Marathi“ нашри хабар бермоқда. Гувоҳларнинг сўзларига кўра, воқеа эркак ўз уйида компютерда ишлаётганида рўй берган.
Қариндошлари уни зудлик билан касалхонага олиб кетди, лекин кўрсатилган ёрдамга қарамай шифохонада вафот этган.
Шифокорларнинг сўзларига кўра, портлаш эркакнинг бошига ҳалокатли жароҳат етказган. Портлашга симсиз минигарнитура батареясининг ҳаддан зиёд қизиб кетгани сабаб бўлган, деб тахмин қилинмоқда.
Воқеа тафсилотлари ва портлаш сабаблари аниқланмоқда.
Насиба Тўхтаева
