Туркияда сув тошқинлари қурбонлари сони 27 нафарга етди
Туркия шимолида рўй бераётган сув тошқинлари қурбонлари сони ошиб боряпти. Шу кунга қадар 27 киши ҳалок бўлган, деб ёзади “ТАCC” Туркия Фавқулодда вазиятлар бошқармаси маълумотига таяниб.
Сув тошқинлари туфайли Кастамону вилоятида 25, Синоп вилоятида икки киши ҳаётдан кўз юмган. Бартин вилоятида бедарак йўқолган бир киши қидириляпти.
Эслатиб ўтамиз, Туркияда сув тошқинлари 11 августда бошланган. Унга кучли ёмғир сабаб бўлган. Хавфли ҳудудлардаги аҳоли эвакуация қилинмоқда.
Насиба Тўхтаева
