АҚШ Афғонистонга 3 мингга яқин қўшин киритади
АҚШ Мудофаа вазири Ллойд Остин Афғонистонга қўшимча вақтинчалик кучларни юборишни буюрди.
Унинг сўзларига кўра, Афғонистондаги Америка элчихонасини эвакуация қилиш доирасида АҚШ мудофаа вазири Ллойд Остин бу жараённинг “хавфсизлигини таъминлаш учун қўшимча вақтинчалик кучларни юборишни” буюрган. Унинг таъкидлашича, бу мақсадлар учун яқин 48 соат ичида Афғонистонга “учта баталон” – 3 мингга яқин ҳарбий хизматчи юборилади.
Унинг ишонтириб айтишича, Афғонистонга АҚШнинг қўшимча кучларини жойлаштириш вақтинчалик бўлади.
“Мудофаа вазири Пентагонга АҚШ фуқаролари ва шерикларининг хавфсизлик имкониятларини таъминлаш учун кучларни вақтинча жойлаштиришни буюрди. Бу яқин вақт учун вақтинчалик миссия”, – дея қўшимча қилди Кирби.
Тинч фуқароларни олиб чиқиш 31 августгача якунланиши керак. Аввалроқ, АҚШ президенти Жо Байден маъмурияти Толибон ҳужумига қарамай, Афғонистондан қўшинларни олиб чиқиш ҳақидаги қарорни ўзгартирмоқчи эмаслиги ҳақида хабар берилган эди.
Бу орада Толибон Афғонистоннинг ўндан ортиқ вилоят марказларини, жумладан, мамлакатнинг энг йирик шаҳарлари Қандаҳор ва Ҳиротни эгаллаб олди.
