Обама юбилейидан сўнг оролда коронавируснинг янги алангаси пайдо бўлди
АҚШ собиқ президенти Барак Обаманинг туғилган кун базми Мартас-Винъард оролида коронавируснинг янги алангасини келтириб чиқарди.
“Daily Mail” нашри маълумотига кўра, базмдан сўнг оролда коронавирусга чалиниш рекорд даражага етган. 74 кишида коронавирус тести ижобий натижа берган.
Лекин расмийлар касаллик кўпайишига собиқ президентнинг туғилган куни сабаб бўлди, деб хулоса чиқаришга ҳали эрта эканини айтишмоқда.
Бундан аввал Барак Обаманинг туғилган кунида иштирок этганлар оммавий тарзда барча фото ва видеотасвирларни ижтимоий тармоқлардан ўчиргани ҳақида хабар берган эдик. Бунга меҳмонлар ва туғилган кун эгасининг ниқоб тақиш талабини бажармагани сабаб бўлгани айтилганди.
Обама базмга дастлаб 1000 нафар меҳмон чақирмоқчи эди, аммо шов-шув ва танқидлардан сўнг 475 нафар киши билан чекланди.
Шарофат Маҳмудова
