Туркияда Бе-200 самолётида ҳалок бўлган ҳарбийлар вафотидан сўнг тақдирланди
Россия Президенти Владимир Путин Туркияда ёнғинларни ўчиришга ёрдам берган россиялик ҳарбий хизматчиларни "Жасорат" ордени билан тақдирлаш ҳақидаги фармонга имзо чекди.
Улар Бе-200 амфибия самолётида қўниш чоғида ҳалокатга учраган эди. Бу ҳақда Кремль сайти хабар берди.
Aввалроқ Путин қурбонларнинг оила аъзолари ва яқинларига ҳамдардлик билдирганди.
Шунингдек, у Туркия Президенти Режеп Таййиб Эрдоғанга самолёт бортида бўлган Туркия фуқароларининг ўлими муносабати билан таъзия изҳор этган.
- Ишончим комилки, бу жасур одамлар хотираси Россияда ҳам, Туркияда ҳам абадий бўлиб қолади, - деган Путин.
Эслатиб ўтамиз, Туркиядаги ёнғинларни ўчириш учун юборилган Бе-200 самолёти 14 август куни қулаб тушган эди. Бортдаги барча ҳарбийлар ҳалок бўлган, улар рус ҳарбийлари, шу жумладан, афсонавий учувчи Евгений Кузнецов ва турк қутқарувчиларидир.
