Aфғонистон бўйича олтмишдан ортиқ давлат баёнот беради
AҚШ Давлат департаменти баёнотига кўра, 60 дан ортиқ давлат Афғонистондаги вазият юзасидан баёнот беради. Департамент мурожаат йўллаб, Афғонистондаги чет эл фуқароларини мамлакатдан хавфсиз чиқиб кетишга чақирган.
Бу ҳақда РИА «Новости» хабар қилди.
Мазкур мурожаатни кўплаб мамлакатлар қўллаб-қувватламоқда. Улар орасида AҚШ, Франция, Германия, Украина, Италия ва Буюк Британия ҳам бор.
– Хавфсизлик ҳолати ёмонлашиб бораётганини ҳисобга олиб, чет эл фуқаролари ва мамлакатни тарк этмоқчи бўлган афғонларнинг хавфсиз ва тартибли чиқиб кетишига ёрдам беришга чақирамиз, – дейилади баёнотда.
Хабарда айтилишича, "Толибон"нинг ҳаракатлари AҚШ қўшинлари ва уларнинг НAТОдаги иттифоқчилари, Россия Ташқи ишлар вазирлиги Ғарбнинг ҳарбий-сиёсий миссиясининг муваффақиятсизлиги деб баҳоланган шароитда амалга оширилган. Боиси, қисқа фурсат ичида деярли бутун мамлакат толиблар назоратига ўтди.
Эслатиб ўтамиз, "Толибон" сиёсий идораси вакили Муҳаммад Наим Aфғонистонда уруш тугаганини эълон қилди.
