Буюк Британия мудофаа вазири эфир вақтида йиғлаб юборди
Буюк Британия мудофаа вазири эфир вақтида йиғлаб юборди. Бу ҳақда “The Independent” маълум қилди.
Бен Уоллес Афғонистондаги вазият ҳақида гапириб туриб йиғлаб юборган. Вазир ҳукумат Британия фуқаролари ҳамда Афғонистонда улар билан ҳамкорлик қилган афғонларнинг барчасини эвакуация қила олмаслигини тан олган. “Баъзи инсонлар қайта олмайди. Британия ва бошқа давлатлар қолиб кетганларга ёрдам беришлари лозим.” — деб айтган Уоллес.
Буюк Британия ҳозирда Афғонистонда «Питтинг» қутқарув операциясини олиб бормоқда. Унда 600 нафар ҳарбий хизматчи иштирок этаяпти. Ҳукумат 4000 га яқин кишини эвакуация қилишни мақсад қилган. Кейинги 24 соат ичида 1 ярим минг кишини Афғонистондан олиб чиқиш режалаштирилган.
Бундан аввал Бен Уоллес Афғонистондаги вазият туфайли қўшни давлатларга мигрантлар оқими кўпайишини маълум қилган эди.
Жаҳонгир Қўзиев
