Жаҳоннинг энг пешқадам нефть ва газ компаниялари

 

Пандемия сабабидан турли соҳаларда фаолият кўрсатувчи кўпгина компаниялар инқрозга учради. Бу эса ишлаб чиқарилаётган маҳсулотларнинг ва компанияларда фаолият кўрсатаётган ишчи-ходимлар сонининг камайишига олиб келди. Лекин пандемия шароитида ҳам соҳада етакчиликни қўлга олган компаниялар мавжуд. Лекин шундай бўлсада, ер юзида қора олтин ва табиий газга бўлган талаб пассайгани йўқ. Соҳа мутахассислар ва Форбес журналининг хулосасига кўра, Пандемия пайтида (2020 йил) энг муваффақиятли ва етакчилик қилган компаниялар топ олтиталигини эълон қилинди.

 

Рейтингнинг энг юқори поғонасини штаб квартираси ХХР (Хитой Халқ Республикаси) да жойлашаг икки компания банд этган бўлса, кейинги ўринларни Саудлар, Европаликлар кейин эса Америкаликлар эгаллашган.

 

Демак, энди бу компанияларни бир-бир таништириб ўтсам.

 

Рейтингнинг биринчи поғонасини Хитойнинг Синопес (Чина Петролеум & Чемисал Сорп) компанияси эгаллайди. Унинг даромади 407 миллиард долларни, соф фойдаси эса 5,1 миллиард долларни ташкил этди (42 фоизга камайган).

 

Ушбу компания соҳадаги энг ёш компания бўлиб, 2000 йилда ташкил этилган.

Компания матбуот хизматининг маълум қилишича, Осиёнинг бу вакилининг жаҳон бозорда ўз устунлигини сақлаб қолиш жуда қийин кечяпди. Синопес компаниясининг юқори менежменти Хитой 2025 йилга келиб нефтни қайта ишлаш қуввати кунига тахминан 20 миллион баррель бўлган дунёдаги энг йирик энергия марказига айланишига ишонади.

Рейтингнинг иккинчи поғонасида эса ХХР яна битта вакили- бу мамлакатнинг энг йирик нефть ва газ компанияси ПетроЧина эгаллаб турибди. Унинг даромади - 296,3 миллиард доллар, соф даромади - 2,9 миллиард долларни ташкил этган. Бозор капиталлашуви - 111,4 миллиард доллар.

 

Корпорация раҳбарияти келгуси беш йил мобайнида, ер ости бойликларини қазиб олиш учун ажратилган капитал харажатлар режасини эълон қилди. Уларнинг ҳажми эса, 239 миллиард юань (37 миллиард доллар)ни ташкил этмоқда. Бу дунёдаги энг юқори кўрсаткич.

 

Дунё миқёсида фақат Аппле билан рақобатлаша оладиган энг қимматбаҳо корпорация учинчи ўринда. Ҳа бу ўша сиз билган, капитализацияси 1,9 триллион долларга, даромадлари 286,9 миллиард долларга, соф фойдаси эса 64,5 миллиард долларга тенг бўлган Сауди Арамсо компаниясидир.

 

181,5 миллиард доллар соф даромад билан тўртинчи ўринда АҚШнинг Эххон Мобил компанияси турибди. У, Ғарб профиль компанияларининг аксарияти сингари, ўтган йилнинг охирида катта зарар кўрди.

 

 

Гап шундаки, муқобил энергияга ўтиш тарафдорлари, эр ости бойликларини қазиб олишда ва қайта ишлашда компания атроф-муҳитга катта зарар келтираётганлиги ҳақида ёлғон, сохта маълумотлар тарқатаётганлиги оқибатида компания анча зарар кўрмоқда Оқ уйнинг сўнгги тенденцияларига қараганда, АҚШ ҳукумати ҳам эко-фаоллар тарафида бўлмоқчи. Яъни, Сауди Арамсо бозорга чиққунга қадар капиталлашуви соҳадаги энг йирик капитализация бўлган Эххон Мобил эндиликда ер ости бойликларини қазиб олиш ва уларни қайта ишлашда атроф муҳитга ташланаётган газларни олдини лиш учун, қазиб олиш ҳамда, қайта ишлашни босқичма -босқич камайтиришга тўғри келади. Бу эса албатта, автоматик равишда даромадлар ва акциялар нархининг пасайишига олиб келади. Оқ уй маъмурияти бу камомадларни олдини олиш учун кўпроқ муқобил энергия самарадорлигини оширишни талаб қилмоқда.

 

Бешинчи ўрин эса Голландияда жойлашган Рояль Дутч Шелл (180,5 миллиард доллар) компаниясига тегишли. 2020 йилнинг охирида компания 21,7 миллиард доллар зарар кўрди.

 

Қитъадаги ҳамкасбларидан фарқли ўлароқ, рейтингнинг олтинчи пағонасини эгаллаб турган, Британиянинг БП компанияси (даромади - 180,4 миллиард доллар, зарар - 20,3 миллиард доллар) бўлади.

 

Компания вақти-вақти билан ОАВда, ер ости бойликларини қазиб олишда “ўйиндан чиқишини” айтиб келсада, яқинда Мексика кўрфазининг ғарбий қисмида катта нефть конларини топганлиги маълум бўлди.

Бу компанияларнинг кўпчилиги трансмиллий мақомга эга. Яъни, улар бутун дунё бўйлаб ҳамкорликда ер ости бойликларини қазиб олишади.