Кобул аэропортида беш киши ҳалок бўлди
“Reuters” хабарига кўра, бу ҳолат оломон учиш-қўниш йўлагига кирганида АҚШ ҳарбийлари огоҳлантирувчи ўт очганидан кейин содир бўлган.
Гувоҳларнинг айтишича, аэропортдан беш кишининг жасади олиб чиқиб кетилган.
Одамлар ўлимининг аниқ сабаби ҳозирча номаълум.
Бундан ташқари, бу борада расмий баёнот ҳам берилмаган.
Айрим хорижий сайтлар мамлакатни тарк этишга уринган бир неча киши Америка самолётининг шнурига осилган чоғида ҳалок бўлгани ҳақида хабар бермоқда.
Насиба Тўхтаева
