Францияда ўрмон ёнғини бошланди
Франция жанубида минглаб одамлар Вар департаментидаги ўрмон ёнғини туфайли эвакуация қилинмоқда. Бундан ташқари шу атрофдаги кемпингларда дам олаётган сайёҳлар ҳам ўз жойларини тарк эта бошлади.
Ҳозирча қурбонлар ҳақида маълумот йўқ, 3 киши енгил жароҳатланган, 19 киши тутундан заҳарланган. Бу ҳақда “BFMTV“ хабар тарқатган.
Ёнғин душанба куни пешиндан сўнг бошланган. Тонггача 5 минг гектар майдон, жумладан, 100 га яқин ўй хўжалиги ва иккита кемпинг ёниб кетди. Ҳудудда бир неча автомобиль йўли ёпилган.
Айни пайтда ўт ўчиришга 700 киши жалб этилган. Ёнғинни ўчиришда иссиқ ҳаво ва қурғоқчилик халақит беряпти.
Шарофат Mаҳмудова
