Тожикистонда хитой билан кўшма машғулотла бошланди
Тожикистоннинг Вахдат шаҳридаги Ромит дарасида Тожикистон-Хитой ўртасида антитеррор машғулотлари бошланди. Бу ҳақда “Азия –плюс” хабар берди.
Машғулотлар 20 августгача давом этади. Унда Тожикистон Ички Ишлар вазирлиги ва Хитой жамоат хавфсизлиги вазирлиги махсус қисмлари иштирок этмоқда.
Бундан аввал 16 август куни Тожикистон ички ишлар вазири Рамазон Раҳимзода Хитой жамоат хавфсизлиги вазирлиги расмий вакили Лю Юнфэн билан учрашув ўтказган эди. Унда томонлар Тожикистоннинг тоғли ҳудудларида қўшма антитеррор машғулотларини ўтказишни муҳокама қилган.
Сўнгги вақтларда, айниқса Афғонистондаги вазият кескинлашуви ортидан Марказий Осиёда турли ҳарбий машғулотлар ўтказилмоқда. Масалан, август бошида Термизда Ўзбекистон-Россия қўшма машғулотлари, кейинроқ Тожикистондаги “Ҳарб-Майдон” полигонида Ўзбекистон-РФ-Тожикистон ўртасида уч томонлама ҳарбий ўқув машқлари ўтказилган эди.
Жаҳонгир Қўзиев
