"Уйда ёлғиз" фильмининг навбатдаги янги қисми суратга олинмоқда
Disney компанияси дунёга машҳур "Уйда ёлғиз" фильмининг навбатдаги янги қисмини суратга олмоқда.
Компания маълумотларига кўра, мазкур фильм "Home Sweet Home Alone" номи остида жорий йил 12 ноябрь Disney+ стриминг сервисида намойиш этилади. Фильм сюжетида янги йил арафасидаги қизиқарли воқеалар такрорланади. Янги фильмдаги қаҳрамоннинг исми Кевин эмас Макс, унинг оиласи Чикагога эмас Японияга кетади. Бу сафар бош қаҳрамонни "безори ўғрилар" эмас, авантюристлар таъқиб қилади.
"Уйда ёлғиз" фильмининг машҳур қаҳрамони Маколей Калкин янги фильмда суратга тушмайди, лекин унинг мухлислари эпизодда бўлса-да севимли актёрини кўришни хоҳлайди, дейилади хабарда. Кинокартинада бош ролни британиялик 12 ёшли актёр Арчи Йейтс ижро этмоқда. Фильмнинг постановкачи режиссёри эса Дэн Мазер.
