Ерга ўта хавфли астероид яқинлашиб келмоқда

 

Ўта хавфли астероидлар синфига мансуб бўлган 2016 АЖ193 жорий йилнинг 21 август куни Ерга яқин келади. Бу ҳақида Москва планетарийси вакиллари маълум қилишган.

“Эрга яқинлашиб келаётган астероидлар” деб ном олган бутун бошли астероидлар синфи мавжуд. Келгусида Ерга 7,5 миллион километрдан яқин келадиганлари ўта хавфли объектлар ҳисобланади”, дейди олимлар.

НАСА мутахассисларининг ҳисоб-китобларига кўра, 2016 АЖ193 астероиди 21 август куни ерга жуда яқин келади ва шу куни ундан 3,4 миллион километр масофа нарида бўлади. Аммо, астероид Ер сайёрасига зиён келтирмаслиги айтиб ўтилган.

Олимларнинг таъкидлашларича, астрономлар томонидан ўрганилмаётган самовий жисмлар Ер учун катта хавф туғдиради. Мутахассислар ушбу астероидлар ҳақида улар ерга тушиб бўлганидан кейин билишади.